بیجنگ (رپورٹنگ آن لائن) چین کی وزارت خارجہ کے ترجمان گو جیا کھون نے یومیہ پریس کانفرنس کے دوران چین-کینیڈا تعلقات کے حوالے سے کہا کہ چین کا موقف ہے کہ ممالک کو اپنے تعلقات میں “زیرو سم” کے بجائے “مشترکہ مفادات “اور محاذ آرائی کے بجائے تعاون کے اصولوں پر عمل کرنا چاہیے۔
پیر کے روز انہوں نے کہا کہ چین اور کینیڈا نے نئی نوعیت کی اسٹریٹجک شراکت داری قائم کی ہے اور اقتصادی و تجارتی امور کے مناسب حل کے لیے ٹھوس اقدامات کیے ہیں۔ یہ اقدامات مساوات، کھلے پن، امن و تعاون اور مشترکہ فائدے کے اصولوں کی عکاسی کرتے ہیں، کسی بھی تیسرے فریق کے خلاف نہیں ہیں، دونوں ممالک کی عوام کے مشترکہ مفاد میں ہیں اور عالمی امن، استحکام، ترقی اور خوشحالی کے لیے بھی سازگار ہیں۔
