لاہور(رپورٹنگ آن لائن)پنجاب یونیورسٹی لا کالج میں ایل ایل بی کے نئے داخلوں پر پابندی عائد کر دی گئی۔پاکستان بار کونسل میں لا ء طلبہ کی رجسٹریشن نہ کروانے پرنئے داخلے روکے گئے۔
پاکستان بار کونسل نے پنجاب یونیورسٹی کو ایل ایل بی کے طلبہ کی تفصیلات فراہم کرنے کی ہدایت کر دی ہے ۔ ذرائع کے مطابق طلبا رجسٹریشن تفصیلات فراہم کرنے تک یونیورسٹی میں نئے داخلوں پر پابندی عائد رہے گی۔پاکستان بار کونسل نے پنجاب یونیورسٹی لا ء کالج کو مطلوبہ قانونی تقاضے پورے کرنے کی ہدایت بھی کی ہے۔
