لاہور(رپورٹنگ آن لائن) پنجاب حکومت کے ترجمان حسان خاور نے کہا ہے کہ لوکل گورنمنٹ ایکٹ 2021 کابینہ سے منظور ہو چکا ہے،شہری سطح پر انتخابات برائے راست اور جماعتی بنیادوں پر ہوں گے، 37 فیصد بلدیاتی انتخابات پینل پر لڑے جا سکیں گے۔
بدھ کو وزیر اعلیٰ پنجاب کے معاون خصوصی برائے اطلاعات حسان خاور نے سماجی رابطے کی ویب سائٹ ٹوئٹر پر اپنے ایک پیغام میں کہا کہ شہری حلقوں میں 11 میٹرو پولیٹن کارپوریشن، 15 میونسپل کارپوریشن بنیں گے۔انہوں نے کہا کہ 109 میونسپل، 125 ٹان کمیٹیاں، 1883 نیبر ہڈ کونسل کا قیام عمل میں لایا جائے گا اور دیہی علاقوں میں 35 ضلعی کونسلز اور 3364 ویلج کونسلز بنیں گی۔،شہری سطح پر انتخابات برائے راست اور جماعتی بنیادوں پر ہوں گے، 37 فیصد بلدیاتی انتخابات پینل پر لڑے جا سکیں گے۔
وزیر اعلیٰ پنجاب کے معاون خصوصی کا کہنا ہے کہ 63 فیصد جنرل کونسلرز کی نشستیں شامل ہیں،نیبر ہڈ اور ویلج کونسلز میں غیر جماعتی سطح پر انتخابات لڑے جائیں گے، ویلج اور نیںر ہڈ کونسلز میں چیئرمین، وائس چیئرمین اور کونسلرز کیلئے مخصوص نشستیں شامل ہیں۔،6 جنرل کونسلرز کی نشستیں بھی اس میں شامل ہوں گے اور تمام ووٹ ایک ہی پرچی پر کاسٹ کیے جائیں گے۔
