لاہور (رپورٹنگ آن لائن )پنجاب بھر کے سکولوں میں گرمی کی شدت کے پیش نظر احتیاطی تدابیر نافذ کر دی گئیں۔
محکمہ تعلیم کی جانب سے تعلیمی اداروں میں ٹھنڈے اور صاف پانی کی فراہمی یقینی بنانے کی ہدایت کی گئی، طلبہ کو روزانہ 8تا 10گلاس پانی پینے اور ریفیلیبل بوتل ساتھ رکھنے کی ہدایت بھی کی گئی، کلاسز کو سایہ دار اور ہوا دار کمروں میں منتقل کرنے کی بھی ہدایت کر دی گئی۔
محکمہ تعلیم نے شدید گرمی کے اوقات میں آئوٹ ڈور سرگرمیوں پر پابندی لگا دی، ہیٹ سٹروک کی علامات سے آگاہی اور احتیاطی تدابیر سکھانے کی ہدایت کی گئی، سکولوں میں فرسٹ ایڈ کٹس کی دستیابی اور عملے کو ایمرجنسی ٹریننگ دینے کی بھی ہدایت کی گئی۔
