اسلام آ باد (رپورٹنگ آن لائن ) پی ٹی آئی رہنما سابق وزیر مملکت فرخ حبیب نے کہا ہے کہ مہنگی بجلی کا پھندا عوام کے گلے میں لگا کر قومی جرم کیا ہے۔
فرخ حبیب نے ٹوئٹر پر جاری ایک پیغام میں کہا ہے کہ سچ بتائیں آپ نے مہنگی بجلی کا پھندا عوام کے گلے میں لگا کر قومی جرم کیا ہے۔ انہوں نے کہا کہ 45 امپورٹڈ فیول پر مہنگے بجلی گھر ، بجلی کارخانے سے خریدو یا نہ خریدو ،بجلی کارخانہ بند پڑا رہے پھر بھی اس کاکرایہ ادا کرنا ہے۔ فرخ حبیب نے اپنے ایک اور ٹوئٹ میں کہا کہ اسلام آباد ہائیکورٹ نے روزانہ کی بنیاد پر پی ٹی آئی کا کیس سننے کا فیصلہ معطل کردیا ہے جو کہ خوش آئند ہے۔ سابق وزیر مملکت نے کہا کہ ایس سی کا 2017 میں حنیف عباسی کیس میں واضح فیصلہ ہے کہ الیکشن کمیشن امتیازی سلوک کئے بغیر تمام سیاسی جماعتوں کے 5 سال کھاتوں کی جانچ پڑتال کرے اور پیپلز پارٹی اور ن لیگ تیار ہو جائے حساب کے لیے۔
