لاہور(رپورٹنگ آن لائن)پاکستان مسلم لیگ (ن) کے رہنما خواجہ آصف کو بھاری رقوم منتقل کرنے والے 8 افراد کو بھی شامل تفتیش کر لیا گیا، تفصیلات کے مطابق خواجہ آصف کے خلاف منی لانڈرنگ اور اثاثہ جات کیس میں قومی احتساب بیورو (نیب)نے مزید افراد کو شامل تفتیش کر لیا اور ان افراد کو نوٹس بھی بھیجے گئے لیکن وہ نیب کے سامنے پیش نہیں ہوئے،
نیب کے مطابق خواجہ آصف کے اکاﺅنٹ میں 11 کروڑ 12 لاکھ 70 ہزار کی رقم جمع کروائی گئی،خواجہ آصف کے وکیل چوہدری نجم الحسن نے کہا کہ خواجہ آصف ان تمام افراد سے متعلق نیب کو جواب دے چکے ہیں اور خواجہ آصف پہلے ہی یہ تمام ریکارڈ پیش کر چکے ہیں،ترجمان نیب کے مطابق خواجہ آصف کے پاس 2004سے 2008تک غیر ملکی اقامہ رہا،
انہوں نے بطور کنسلٹنٹ لیگل ایڈوائزر کے 13کروڑ 60 لاکھ روپے وصول کیے،خواجہ آصف کو لی گئی تنخواہ سمیت دیگر تفصیلات جمع کروانے کی ہدایت کی گئی تھی،انہیں کمپنی کو دی گئی نوکری کی درخواست جمع کروانے کا کہا گیا تھا،ان کا کہنا تھا کہ نیب کی جانب سے خواجہ آصف کو اقامہ ایگریمنٹ بھی نیب کو جمع کروانے کا کہا گیا تاہم وہ دوران تفتیش مسلسل عدم تعاون کرتے رہے ہیں۔
