اسلام آباد(رپورٹنگ آن لائن) وزیر خارجہ شاہ محمود قریشی نے انکشاف کیا ہے کہ مسلم لیگ(ن) نے مجھے وزارت خارجہ آفر کی تھی جسے قبول نہیں کیا،مجھے کہا گیا آپ نے رنگ سازی کی،میں نے رنگ سازی کی لیکن آپ تورنگ میں بھنگ ڈال رہے ہیں کل مجھے کہا گیا آپ نے قوالی پیش کی ہم نے قوالی نہیں پکاراگ پیش کیا،باقی آپ سمجھ جائیں، کرپٹ عناصر پر پکا ہاتھ ڈالیں گے کسی کونہیں چھوڑاجائیگا احتساب کے عمل پر کوئی سمجھوتہ نہیں ہوگا،
احتساب کا عمل بھرپور جاری رہیگا، بھارت کی کوشش ہے پاکستان کوگرے لسٹ سے بلیک پردھکیلے اگر بلیک لسٹ میں چلے گئے توعالمی پابندیاں لگ سکتی ہیں۔اسلام آباد میں پریس کانفرنس کرتے ہوئے شاہ محمودقریشی نے کہا کہ 2013میں آپ نے مجھے بلایا تھا اور قیادت سے ملاقات کی تھی میرے پاس ن لیگ اور پی ٹی آئی سمیت مختلف آپشن تھے، مسلم لیگ ن مجھے وزارت خارجہ آفر کی تھی جسے قبول نہیں کیا ن لیگ کے بجائے پی ٹی آئی میں شمولیت اختیار کی جس پر بہت سے سیاسی پنڈتوں نے کہاتھابیوقوفی کافیصلہ کیاہے۔
وزیر خارجہ نے کہا کہ بھارت کی کوشش ہے پاکستان کوگرے لسٹ سے بلیک پردھکیلے اگر بلیک لسٹ میں چلے گئے توعالمی پابندیاں لگ سکتی ہیں، قانون سازی ہمیں گرے لسٹ سے نکال کروائٹ لسٹ میں آنے کیلئے ہے مگراپوزیشن نے ایف اے ٹی ایف قانون کومشروط کیا۔شاہ محمود قریشی کا کہنا تھا کہ اپوزیشن کی ترمیم مان لیں تو احتساب کاعمل نہیں ہوسکے گا ہم نے گاجریں نہیں کھائیں اس لیے ہمیں کس چیز کا خوف ہے،
مشرف دورمیں اپوزیشن میں تھاپھربھی کرپشن کاالزام نہیں لگا ہم کسی ایک شخص کیلئے نیب قانون میں تبدیلی نہیں کرسکتے، مخصوص شخص کیلیے نیب قانون کوتبدیل نہیں کرنیدیں گے۔ن لیگ کی تنقید کا جواب دیتے ہوئے ان کا کہنا تھا کہ کل مجھے کہا گیا آپ نے رنگ سازی کی،میں نے رنگ سازی کی لیکن آپ تورنگ میں بھنگ ڈال رہے ہیں کل مجھے کہا گیا آپ نے قوالی پیش کی ہم نے قوالی نہیں پکاراگ پیش کیا،باقی آپ سمجھ جائیں،
کرپٹ عناصر پر پکا ہاتھ ڈالیں گے کسی کونہیں چھوڑاجائیگا احتساب کے عمل پر کوئی سمجھوتہ نہیں ہوگا،احتساب کا عمل بھرپور جاری رہیگا۔
