لاہور(رپورٹنگ آن لائن)صوبائی وزیر تعلیم رانا سکندر حیات نے کہا ہے کہ لیپ ٹاپ سکیم کے حوالے سے گردش کرنے والے تمام لنکس جعلی ہیں،نوجوان محتاط رہیں اورغیر مستند لنکس مت کھولیں۔
اپنے بیان میں انہوںنے کہا کہ مستند لنکس و معلومات کیلئے صرف ہائیر ایجوکیشن ڈیپارٹمنٹ کی ویب سائٹ یا سوشل میڈیا پیج کو وزٹ کریں،لیپ ٹاپ کیلئے اپلائی کا طریقہ کار صرف ایچ ای ڈی کی ویب سائٹ، سوشل میڈیا پیچ پر مشتہر کیا جائے گا.
ہائیر ایجوکیشن کی ویب سائٹ، سوشل میڈیا پیچ پر اعلان کے علاوہ تمام معلومات محض افواہ گردانی جائیں۔ وزیر تعلیم نے کہا کہ لیپ ٹاپ سکیم کے اجرا کے حوالے سے خوشخبری جلد سنائی جائے گی،احتیاط کریں، غیر مستند لنکس ذاتی معلومات چرانے کا باعث بن سکتے ہیں۔
