لاہور (رپورٹنگ آن لائن ) پاک بھارت جنگ بندی کے بعد لاہور سمیت پنجاب بھر کے تعلیمی ادارے معمول کے مطابق کھل گئے۔تفصیلا کے مطابق تمام نجی و سرکاری سکولوں میں تدریسی سرگرمیوں کا دوبارہ آغاز ہوگیا۔
لاہور تعلیمی بورڈ کے تحت انٹر پارٹ ٹو تھیوری کے امتحانات بھی شیڈول کے مطابق ہو رہے ہیں ، میٹرک امتحانات کے پریکٹیکل بھی شیڈول کے مطابق لئے جا رہے ہیں۔انٹرمیڈیٹ پارٹ ٹو اور میٹرک پریکٹیکل کے ملتوی پرچوں کی تاریخ کا اعلان بعد میں کیا جائے گا۔
واضح رہے کہ محکمہ سکول ایجوکیشن اتھارٹی اور ہائر ایجوکیشن نے 12مئی سے تمام تعلیمی ادارے معمول کے مطابق کھولنے کا نوٹیفکیشن جاری کیا تھا۔خیال رہے کہ پاک بھارت کشیدگی کے پیش نظر پنجاب بھر کے تعلیمی ادارے 9اور 10مئی کو بند رکھنے کا اعلان کیا گیا تھا۔
