لاہور-یکم جون ( زاہد انجم سے ) لاہور جنرل ہسپتال میں ہفتہ کے روز خاتون کے ہاں بیک وقت 3 بچوں کی پیدائش ہوئی ، نومولود بچوں میں 2 بیٹیاں اور ایک بیٹا شامل ہیں-
ہسپتال انتظامیہ کے مطابق کاہنہ نو لاہور کا رہائشی فیکٹری ورکر شہزاد نامی شخص کی 26 سالہ بیوی کلثوم کو گزشتہ روز ایل جی ایچ گائنی وارڈ میں لایا گیا جہاں
، ڈاکٹر فاطمہ اورڈاکٹر بشر ی پر مشتمل ٹیم نے بلا تاخیر علاج معالجہ شروع کیا، آپریشن کے بعد خاتون نے یکے بعد دیگرے 3 بچوں کو جنم دیا-
ہسپتال انتظامیہ کے مطابق تینوں بچے ماں سمیت رو بصحت ہیں تاہم مزید علاج معالجہ کی غرض سے ان کو نرسری میں منتقل کر دیا ہے-
پرنسپل پروفیسر الفرید ظفر نے خواتین ڈاکٹرز نرسز کی پیشہ ورانہ مہارت کو سراہا جنہوں نے پچیدہ آپریشن کو احسن طریقے اور کامیابی سے مکمل کیا- انہوں نے کہا کہ وزیر اعلیٰ پنجاب مریم نواز شریف کی ہدایت پر اسٹیٹ آف دی آرٹ ہسپتال میں مریضوں کو علاج معالجہ کی مفت سہولیات فراہم کی جا رہی ہیں –
دوسری جانب بچوں کے والدین اور اہل خانہ ایک ساتھ 3 بچوں کی پیدائش پر خوشی سے نہال ہیں- انہوں نے جنرل ہسپتال کے ڈاکٹروں اور سٹاف کا شکریہ ادا کیا جہاں انہیں حکومت پنجاب کی پالیسی کے مطابق علاج معالجہ کی جدید طرز مفت سہولیات میسر آئیں –
