بیجنگ (رپورٹنگ آن لائن) 2026 شنگھائی تعاون تنظیم سربراہی اجلاس یکم ستمبر کو اختتام پذیر ہوا۔ اس موقع پر چائنا میڈیا گروپ نے ازبکستان سینیٹ کے اول نائب چیئرمین صادق صفایف سے خصوصی انٹرویو کیا۔
شنگھائی تعاون تنظیم کی تعمیر میں ایک شریک کے طور پر انہوں نے کہا کہ “شنگھائی تعاون تنظیم کسی دوسرے ملک یا بین الاقوامی تنظیم کے خلاف قائم گروپ نہیں، بلکہ اس کا مقصد بین الاقوامی تعاون کو فروغ دینا، مختلف ممالک کی قوتوں کو یکجا کرنا اور آج دنیا کو درپیش مختلف چیلنجز سے مشترکہ طور پر نمٹنا ہے۔”
ازبکستان میں “صدر شی جن پھنگ کی تصانیف کے مطالعہ مرکز” کے افتتاح کے حوالے سے انہوں نے کہا کہ “صدر شی جن پھنگ کی تصانیف نے دنیا کے مختلف ممالک کے رہنماؤں کے لیے نئے تصورات اور طرزِ فکر پیش کی ہے۔”
انسانیت کے ہم نصیب معاشرے کے تصور کے بارے میں بات کرتے ہوئے صفایف نے کہا کہ “چین جس تصور کی وکالت کرتا ہے، اس کا مقصد مختلف ثقافتوں کو یکساں بنانا یا ان کی اپنی منفرد خصوصیات کو ختم کرنا نہیں، بلکہ مشترکہ اقدار اور اصولوں کی بنیاد پر ایک نئی اجتماعی شناخت تشکیل دینا ہے۔”
