شہباز اکمل جندران۔۔۔
لاہور ہائی کورٹ میں پنجاب کے تمام سرکاری و غیر سرکاری سکولوں میں قرآن پاک کی تعلیم کو لازمی قرار دئیے جانے سے متعلق رٹ پٹیشن دائر کر دی گئی ہے۔
رٹ پٹیشن ایڈووکیٹ شہباز اکمل جندران نےایڈوکیٹ ندیم سرور کے توسط سے رٹ پٹیشن فائل کی ہے۔
دی پنجاب کمپلسری ٹیچنگ آف دی ہولی قرآن ایکٹ 2018کے تحت پنجاب کے تمام سکولوں میں قرآن پڑھانا لازمی ہے۔
قانون کے مطابق تمام سرکاری اور غیرسرکاری سکول مسلمان طلبہ کق قرآن پڑھانے کے پابند ہیں۔مذکورہ ایکٹ کے تحت پہلی سے بارھویں جماعت تک قرآن پاک پڑھایا جانا لازمی ہے۔
یہی نہیں بلکہ اس قانون کے مطابق پہلی سے بارھویں جماعت تک ناظرہ اور ترجمے کے ساتھ قرآن پڑھانا لازمی ہے۔
تاہم اڑھائی سال گزر گئے قانون پر عمل درآمد نہیں ہو رہا۔
درخواست گزار نے موقف اختیار کیا کہ قانون پر عمل درآمد نہ ہونے سے مسلمان طلبہ سکولوں میں قرآن کی لازمی تعلیم سے محروم ہو رہے ہیں۔حالانکہ پاکستان ایک اسلامی ملک اور اسلام ریاست کا مذہب ہے۔اور ایسے قانون پر اڑھائی برسوں سے عمل درآمد نہ ہونا افسوسناک ہے۔
