کراچی(رپورٹنگ آن لائن)سندھ ہائیکورٹ نے لائنز ایریا میں بچت بازار کیخلاف درخواست پرحکم امتناع میں توسیع کرتے ہوئے دیگر فریقین کو بھی آئندہ سماعت پر طلب کرلیاہے۔
پیرکوسندھ ہائیکورٹ میں لائنز ایریا میں بچت بازار کیخلاف درخواست کی سماعت ہوئی۔ جونیئر وکیل نے موقف دیا کہ سینئر وکیل آج پیش نہیں ہوسکتے، مہلت دی جائے۔ عدالت نے درخواست کی سماعت ملتوی کرتے ہوئے بچت بازار سے متعلق حکم امتناع میں بھی توسیع کردی۔ عدالت نے دیگر فریقین کو بھی آئندہ سماعت پر طلب کرتے ہوئے سماعت 4 ہفتوں کے لیے ملتوی کردی۔
دائر درخواست میں موقف اپنایا گیا تھا کہ ہر سال ٹھیکیدار باقاعدگی سے اس کا چالان جمع کراتا ہے۔ کچھ افراد نے بچت بازار لگانے سے روک دیا تھا۔ لائنز ایریا میں بچت بازار لگتی ہے۔ ہم نے ڈپٹی کمشنر اور دیگر متعلقہ حکام سے اجازت لی تھی۔
