کراچی (رپورٹنگ آن لائن) ایم کیوایم کے مرکز نائن زیرو سے دھماکا خیز مواد برآمدگی سے متعلق کیس میں عدالت نے سرکار کی اپیلیں سماعت کے لیے منظور کر لیں۔
تفصیلات کے مطابق سندھ ہائیکورٹ میں کراچی میں ایم کیوایم کے مرکز نائن زیرو سے دھماکا خیز مواد برآمدگی سے متعلق کیس میں فیصل موٹا، عبید کے ٹو، فرحان ملا اور دیگر کی بریت کے خلاف سرکار نے اپیلیں دائر کی گئیں۔ سندھ ہائیکورٹ نے سرکار کی اپیلیں سماعت کے لیے منظور کرتے ہوئے فریقین کو نوٹس جاری کردیے۔ رینجرز کے پراسیکیوٹر نےعدالت کو بتایا کہ انسدادِ دہشت گردی کی عدالت نے دھماکا خیز مواد کیس میں 14 ملزمان کو بری کیا تھا۔ اے ٹی سی نے ایم کیوایم کے 13 کارکنوں کو مختلف سزائیں بھی سنائی تھیں۔
وکیل رینجرز رانا خالد نے کہا کہ غیر قانونی اسلحہ کیس میں سزاں میں اضافے کی اپیل بھی دائر کی ہے۔ واضح رہے کہ عدالت نے ملزم فیصل موٹا کو غیر قانونی اسلحہ رکھنے کے الزام میں 10 سال قید کی سزا سنائی تھی جبکہ ملزم فرحان شبیر عرف ملا، عبید کے ٹو اور عابد کو 8 ،8 سال قید کی سزا سنائی گئی تھی۔
