ممبئی (رپورٹنگ آن لائن)بالی ووڈ کے اسٹار اداکار عامر خان نے اپنی سابقہ بیویوں رینا دتہ اور کرن راو سے متعلق اہم انکشاف کیا ہے۔
بھارتی میڈیا رپورٹس کے مطابق 59 سالہ عامر خان نے کہا کہ رینا دتہ اور کرن رائو سے طلاق کے باوجود باہمی احترام اور محبت باقی ہے۔انہوں نے اپنی پہلی بیوی رینا دتہ سے اپنی محبت کو فلمی کہانی کی طرح قرار دیا اور کہا کہ میں اسے اپنی محبت ثابت کرنے کیلیے خون سے خط لکھا تھا۔اسٹار اداکار نے مزید کہا کہ میں نے رینا کے ساتھ بھاگ کر شادی کی تھی، ہم 16 سال ساتھ رہے اور پھر 2002 میں علیحدہ ہوگئے۔
عامر خان نے یہ بھی کہا کہ 2005 میں کرن راو سے شادی کی اور 2021 میں ہم جدا ہوگئے، میری زندگی کے شاندار رشتے ان ہی دونوں(بیویوں)کے ساتھ رہے۔ان کا کہنا تھا کہ رینا رتہ اور کرن راو دونوں ہی حیرت انگیز شخصیت کی مالک ہیں، ان دونوں خواتین نے زندگی گزارنے کے دوران مجھے بہت کچھ دیا۔
اسٹار اداکار نے کہا کہ ہم میں طلاق ضرور ہوئی ہے، سب ہی اپنی زندگی میں آگے بڑھ گئے ہیں لیکن ہم ایک دوسرے کیلیے احترام اور محبت کا جذبہ رکھتے ہیں۔انہوں نے کہا کہ ہمارے رشتے بدل گئے ہیں لیکن میں آج بھی اپنی دونوں بیویوں کا اور ان کے خاندان کا احترام کرتا ہوں۔
