کراچی(ر پورٹنگ آن لائن)ناظم امتحانات جامعہ کراچی ڈاکٹر سید ظفر حسین کے مطابق بی کام ریگولر سال دوئم اور سال اول ودوئم باہم سالانہ امتحانات برائے 2019ء کے نتائج کا اعلان کردیا گیا ہے۔
نتائج کے مطابق کے ڈی اے ڈگری کالج فارویمن کی عفت اشرف کمداربنت محمد اشرف کمدار سیٹ نمبر 721076 نے1061 نمبرز کے ساتھ پہلی جبکہ گورنمنٹ کالج آف کامرس اینڈ اکنامکس کہ مبشرہ بنت اشفاق احمد سیٹ نمبر720931 نے1036 نمبرز کے ساتھ دوسری اور گورنمنٹ پریمئرکالج فارگرلز کی سیدہ نبیل رضا رضوی بنت سید آصف رضارضوی سیٹ نمبر720082 نے 1027 نمبرز کے ساتھ تیسری پوزیشن حاصل کی۔
امتحانات میں کل 14772 طلبہ شریک ہوئے،430 طلبہ کو فرسٹ ڈویژن ،1969 طلبہ کو سیکنڈ ڈویژن جبکہ ایک طالبعلم کو تھرڈ ڈویژن میں کامیاب قراردیا گیا۔ کامیابی کا تناسب 16.25 فیصدرہا۔
