اسلام آباد(رپورٹنگ آن لائن ) وفاقی وزیر تعلیم شفقت محمود نے کہا ہے کہ تعلیمی اداروں کی بندش کا فیصلہ بھاری دل کے ساتھ کیا۔
سماجی رابطے کی ویب سائٹ ٹوئٹر پر اپنے بیان میں وفاقی وزیر تعلیم شفقت محمود نے کہا کہ ہم نے تعلیمی ادارے کورونا کیسز تیزی سے بڑھنے پر بند کیے اور تعلیمی اداروں کی بندش کا فیصلہ بھاری دل کے ساتھ کیا۔
انہوں نے کہا کہ میری طلبہ سے گزارش ہے یہ وقت چھٹیوں میں مت گزاریں اور طلبہ اپنے نصاب کو دوبارہ پڑھیں، ہوم ورک کریں۔ وفاقی وزیر تعلیم نے کہا کہ طلبا اپنی پڑھائی زیادہ سے زیادہ کریں۔
