کوئٹہ(ر پورٹنگ آن لائن)بلوچستان میں کورونا وائرس کے پیش نظر بند کئے جانے والے اسکول آج سے کھلیں گے جبکہ استاتذہ، عملے یا طلباء میں کورونا وائرس کی تصدیق ہونے پر سکول بند کرنے کی بجائے متاثرہ افراد کو 14دن کے لئے قرنطینہ میں رہنے کی ہدایت کردی گئی ۔محکمہ تعلیم کے حکام کے مطابق صوبے کے تمام ڈویژنل ڈائریکٹر اسکولز اور ضلعی تعلیم آفسیران کو ہدایت جاری کی گئی ہے،
کہ بلوچستان میں سرکاری ،نیم سرکاری اور پرائیویٹ اسکول آج سے کھول دئیے جائیں گے جبکہ اگر کسی بھی اسکول کے استاتذہ، طلبا ء یا ملازمین میں کورونا وائرس کی تصدیق ہوتی ہے تو اسکول کو بند کرنے کی بجائے متاثرہ افراد کو 14دن کے لئے قرنطینہ میں منتقل کیا جائے محکمہ تعلیم نے ہدایت کی ہے کہ قرنطینہ مدت پوری کرنے اور کورونا وائرس کا منفی ٹیسٹ آنے کے بعد استاتذہ ، طلباء یا ملازمین اسکول واپس آسکتے ہیں
