لندن (رپورٹنگ آن لائن )برطانیہ کے شاہ چارلس نے مصنوعی ذہانت کے شعبے کے ایگزیکٹیو ذمے داران کو خبردار کیا ہے کہ اگر یہ ٹیکنالوجی غلط ہاتھوں میں چلی گئی تو اس سے وجود کو خطرات لاحق ہو سکتے ہیں۔
اس سے پہلے کہ بہت دیر ہو جائے کافی ضمانتیں فراہم کی جانی چاہئیں۔اینویڈیا، گوگل، ڈیپ مائنڈ، اوپن اے آئی، انتھرپک اور دیگر کمپنیوں کے ایگزیکٹیو ذمے داران سے خطاب کرتے ہوئے برطانوی بادشاہ نے مزید کہا ان ٹیکنالوجیز کو ایجاد کرنے والے اب بڑھتے ہوئے انداز میں خبردار کر رہے ہیں کہ مصنوعی ذہانت زیادہ شریر صلاحیتیں تیار کرنے کا خطرہ پیدا کرتی ہے –
جو ممکن ہے کہ جانیں لینے کی حد تک پہنچ جائے۔انہوں نے مزید کہا اس حوالے سے اگر میں یہ کہوں تو، اس بات کی شدید ضرورت محسوس ہوتی ہے کہ ان ٹیکنالوجیز کے غلط ہاتھوں میں پڑنے اور اس طرح استعمال ہونے کے ال مناک خطرات پر مناسب طور پر غور کیا جائے جو تباہ کن ثابت ہو سکتے ہیں۔شاہ نے نے مزید کہا آپ کے سپرد کردہ کام کا دائرہ صرف ٹیکنالوجی کی ترقی تک محدود نہیں ہے، بلکہ اس بات کو یقینی بنانا بھی ہے کہ یہ یقینی طور پر انسانیت، معاشرے اور قدرتی دنیا کی خدمت میں باقی رہے۔
