لاہور- 2 اپریل(زاہد انجم سے) پنجاب انسٹیٹیوٹ آف نیورو سایسنز کے ایگزیکٹو ڈائریکٹر پروفیسر ڈاکٹر آصف بشیر نے انتظامی ڈاکٹرز کے ہمراہ عید الفطر کی خوشیاں مریضوں اور ہیلتھ پروفیشنلز کے ساتھ منائیں۔ عید کے روز پروفیسر آصف بشیر نے ایم ایس ڈاکٹر عمر اسحاق کے ہمراہ ہسپتال کے مختلف شعبوں کا دورہ کیا اور ڈیوٹی پر موجود ڈاکٹرز،نرسز اور پیرا میڈیکس کو سلام پیش کرتے ہوئے کہا کہ معاشرے انسانی ہمدردی سے ہی پروان چڑھتے ہیں۔
جن افراد کا نصب العین دکھی انسانیت کی بھلائی اور رب کریم کی رضا کا حصول ہو وہ عزت اور تکریم کے حقدار ٹھہرتے ہیں۔ پروفیسر آصف بشیر نے مریضوں میں عید گفٹس تقسیم کیے اور ان کی جلد صحت یابی کی دعا کی۔ انہوں نے عیدالفطر کے موقع پر ادارے پنز میں مثالی انتظامات پر اطمینان کا اظہار کیا اور انتظامیہ کو شاباش دی۔ انہوں نے ایم ایس ڈاکٹر عمر اسحاق اور نرسنگ سپرنٹدنٹ آسیہ خانم کی کارکردگی کو بھی سراہا ای ڈی پنز کا کہنا تھا کہ اس ادارے میں صرف پنجاب سیہی نہیں بلکہ دوسرے صوبوں سے بھی مریض علاج کے لیے آتے ہیں وزیراعلی مریم نواز شریف کی ہدایت پر مریضوں کو علاج کی تمام سہولیات مفت دستیاب ہیں اس موقع پر ڈاکٹر عدنان،ڈاکٹر اسد شاہ و دیگر انتظامی ڈاکٹر بھی موجود تھے۔
