لاہور (رپورٹنگ آن لائن) اینٹی کرپشن نے لاہور اور خانیوال میں کاروائیاں کرتے ہوئے جعلسازی سے کروڑوں روپے کی سرکاری زمین ہتھیانے والے گروہ کو پکڑا لیا ،تحصیلدار ، پٹواری اور کلرک سمیت سات افراد گرفتار کر کے ان کے خلاف مقدمات درج کرلئے گئے ۔
ڈی جی اینٹی کرپشن پنجاب کے مطابق لاہور ریجن بی کی اسسٹنٹ ڈائریکٹر آسما انجم نے مفرور اشتہاری وقاص نوید کو گرفتار کر لیا۔ ذوقاص نوید کو چک نمبر 16-RB شیخوپورہ سے گرفتار کیا گیا۔ ملزم کو مقدمہ نمبر 86/2012 میں گرفتار کیا گیا۔ ڈپٹی ڈائریکٹر ملتان محمد عامر نے تحصیلدار مظفر ، پٹواری عاشق حسین ، کالونی کلرک اطہر اقبال سمیت چھ افراد کو گرفتار کر لیا۔
تحصیلدار اور پٹواری نے جعلسازی سے پرائیویٹ مفاد کنندگان کے نام 495 کنال سرکاری زمین ٹرانسفر کردی ۔ ملزمان کے خلاف تھانہ خانیوال میں مقدمہ درج کرکے حوالات میں بند کر دیا گیا۔ ملزمان نے سرکاری زمین کی جعلی دستاویزات تیار کرکے خزانہ سرکار کو کروڑوں روپے کا نقصان پہنچایا ۔ پنجاب بھر میں کرپٹ سرکاری ملازمین کے خلاف بلا امتیاز کاروائیاں جاری ہیں۔
