کراچی(ر پورٹنگ آن لائن)اعلی ثانوی تعلیمی بورڈ کراچی نے انٹرمیڈیٹ سائنس پری انجینئرنگ گروپ کے سالانہ امتحانات کے نتائج کا اعلان کردیا گیاہے۔نتائج کے مطابق پری انجینئرنگ گروپ کے امتحانات میں 32653امیدواروں نے رجسٹریشن حاصل کی جبکہ 32606امیدوار کامیاب قرار پائے اس طرح کامیابی کا تناسب 99.86 فیصد رہا۔بورڈ کے مطابق کووڈ 19کی وجہ سے اس سال امتحانات منعقد نہیں ہوئے ۔ طلبا کو پروموٹ کرنے کی حکومتی پالیسی پر عمل کرتے ہوئے تمام طلبا کو گیارہویں جماعت کے حاصل کردہ نمبروں کے مطابق بارہویں جماعت کے پرچوں میں نمبرز دیئے گئے ہیں۔
بارہویں جماعت کے پرچوں میں تین فیصد اضافی نمبرز بھی دیئے گئے ہیں۔انٹرمیڈیٹ سائنس پری انجینئرنگ گروپ کے سالانہ امتحانات برائے 2020 میں 1072امیدوار اے ون گریڈ ، 2256 اے گریڈ حاصل کیا۔3494بی گریڈ، 4566 سی گریڈ، 11673 ڈی گریڈ، 9503 ای گریڈ میں کامیاب ہوئے ۔ 42امیدوار پاس قرار پائے۔
اس سال پروموشن پالیسی کے مطابق طلبا کو پوزیشنز نہیں دی گئی ہیں۔بورڈ انتظامیہ کے مطابق نتائج بورڈ کی ویب سائٹ www.biek.edu.pk پر اپ لوڈ کردیئے گئے ہیں۔ امیدوار اپنے مجموعی نمبرز اعلی ثانوی تعلیمی بورڈ کراچی کی آفیشل اینڈرائڈ ایپ پر بھی دیکھ سکتے ہیں۔اس اینڈرائڈ ایپ کو گوگل پلے اسٹور پر BIEKکے نام سے سرچ کر کے موبائل میں انسٹال کیا جاسکتا ہے۔
