کراچی(رپورٹنگ آن لائن)کراچی میں امتحانی مراکز کا مناسب انتظام نہ ہونے کے سبب 28 اپریل سے شروع ہونے والے انٹرمیڈیٹ کے امتحانات ملتوی ہونے کا خدشہ ہے۔
تفصیلات کے مطابق کراچی کے بعض امتحانی مراکز میں میٹرک امتحانات جاری ہیں اور وہیں انٹرمیڈیٹ کے بھی امتحانی مراکز ہیں امتحانی مراکز کا مناسب انتظام نہ ہونے کی وجہ سے امتحانی عمل تاخیر کا شکار ہو رہا ہے۔
بورڈ آف انٹرمیڈیٹ میں تاحال کوئی چیئرمین بھی نامزد نہیں ہوسکا، سرچ کمیٹی کی جانب سے منتخب 2 چیرمینز انٹرمیڈیٹ بورڈ کا چارج لینے سے معذرت کر چکے ہیں۔
