بیجنگ (رپورٹنگ آن لائن) نیپال میں آنے والے شدید مڈ سلائیڈ کی آفت کے بعد متاثرین کی مدد کے لیے چین کی فراہم کردہ امدادی سامان کی پہلی کھیپ دو ” وائی-20″ بڑے طیاروں کے ذریعے کٹھمنڈو پہنچی ۔ اس کے علاوہ سرنگوں میں امدادی کارروائیوں کے چار چینی ماہرین بھی ان طیاروں کے ذریعے کھٹمنڈو پہنچے۔
چین کی جانب سے فراہم کردہ امدادی سامان میں ٹینٹ، کمبل، سلیپنگ بیگز، کمپریسڈ خشک خوراک اور فرسٹ ایڈ کٹس سمیت دیگر ضروری روز مرہ استعمال کا سامان اور طبی ہنگامی سامان شامل ہے ۔ سامان پہنچنے کے بعد اسے فوری طور پر متاثرہ علاقوں میں تقسیم کیا جائے گا تاکہ آفت سے متاثرین کی بنیادی ضروریات اور ہنگامی طبی سہولیات کو یقینی بنایا جا سکے۔
نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی کے جاری کردہ تازہ ترین اعداد و شمار کے مطابق، مقامی وقت کے مطابق 30 اگست صبح 9 بجے تک نیپال میں مڈ سلائیڈ میں ہلاکتوں کی تعداد بڑھ کر 734 ہو گئی ہے، جب کہ لاپتا افراد کی تعداد 2,498 ہے۔
