اسلام آباد(رپورٹنگ آن لائن)چیئرمین سینیٹ سید یوسف رضا گیلانی نے ایران میں 8 پاکستانی مزدوروں کے بہیمانہ قتل پر گہرے دکھ اور افسوس کا اظہار کیا ہے۔
اپنے بیان میں انہوں نے اس افسوسناک واقعے کو انتہائی قابلِ افسوس قرار دیتے ہوئے کہا کہ معصوم اور بے گناہ محنت کشوں کا قتل انسانیت سوز فعل ہے جس نے پوری قوم کو غمزدہ کر دیا ہے۔انہوں نے متاثرہ خاندانوں سے دلی ہمدردی افسوس کا اظہار کرتے ہوئے مرحومین کے لیے دعائے مغفرت اور پسماندگان کے لیے صبر جمیل کی دعا کی۔
ڈپٹی چیئرمین سینیٹ سیدال خان نے بھی اپنے الگ پیغام میں ایران میں پاکستانی مزدوروں کے قتل پر دکھ کا اظہار کیا ہے۔ انہوں نے کہا کہ یہ واقعہ ہر پاکستانی کے دل کو دہلا دینے والا ہے۔ معصوم جانوں کا اس طرح قتل ناقابلِ برداشت ہے۔ انہوں نے مرحومین کے درجات کی بلندی اور سوگوار خاندانوں کے لیے صبر و حوصلے کی دعا کی۔
