لاہور (رپورٹنگ آن لائن) لاہور ہائیکورٹ میں پیٹرولیم مصنوعات کی قیمتوں میں اضافے کے طریقہ کار کے خلاف دائر درخواستیں سماعت کے لئے مقرر ہوگئیں۔
ہائیکورٹ رجسٹرار آفس نے کیس کو 3دسمبر کو سماعت کے لئے مقرر کردیا اوراس حوالے سے کاز لسٹ بھی جاری کردی ہے۔لاہور ہائیکورٹ کے جسٹس خالد اسحاق کیس کی سماعت کریں گے،عدالت نے وفاقی حکومت اور اوگرا سے رپورٹ طلب کر رکھی ہے۔
2022ء سے ہائیکورٹ میں پیٹرولیم مصنوعات کی قیمتوں کیخلاف مختلف درخواستیں دائر ہیں،ان درخواستوں میں وفاق اور اوگرا سمیت دیگر ادارے فریق بنائے گئے ہیں۔
