لاہور ( رپورٹنگ آن لائن)وزیراعلی مریم نوازشریف کا صوبے میں کاربن کریڈٹ پروگرام کے ذریعے پنجاب کو عالمی سطح پر ماحولیاتی لیڈر بنانے کی جانب سفر کاآغازہوچکا ہے ،لکھوڈیرھ پنجاب حکومت کا پہلا ایسا پراجیکٹ،جو آرٹیکل 6 پیرس ایگریمنٹ کے تحت شروع کیاجارہا ہے.
وزیراعلی مریم نواز شریف کی ہدایت پر گزشتہ ایک سال سے کاربن کریڈٹ پروگرام پر ای پی اے مصروف عمل ہے، کاربن کریڈٹ پروگرام سے آلودگی میں کمی، زرمبادلہ میں اضافہ، اور گرین انڈسٹری کو فروغ ملے گا،اس پروگرام سے شجرکاری، گرین ٹیکنالوجی، اور عالمی سرمایہ کاری ایک ساتھ ہوگی، کاربن کریڈٹ پروگرام سے صاف ہوا، پائیدار معیشت،عالمی منڈی میں پاکستان کی شمولیت،گرین انڈسٹری کی ترقی، روزگار کے نئے مواقع اور عالمی ساکھ میں بہتری آئے گی۔
ان خیالات کااظہار سینئرصوبائی وزیرمریم اورنگزیب نے یواین ای پیذ(UNEP)، SPAR6C اورجرمن افیشلز پر مشتمل وفد سے ملاقات کے دوران کیا ۔انہو ںنے کہاکہ الیکٹرک اورسولر انقلابی اقدامات کے بعداب لینڈ فل سائیٹس پر موجود میتھین گیسز کے خاتمے کے لیے گراس روٹ لیول پر کام شروع کیاگیا ہے۔مریم نواز شریف انوائرمینٹل فرینڈلی پنجاب کے قیام اورکاربن کریڈٹ کے حصول کے لیے پرعزم ہیں اورایسے ماحول دوست درجنوں پراجیکٹس کی نشاندہی کرلی گئی،جن سے آئندہ کاربن کریڈٹس اورخطیر زردمبادلہ حاصل کیا جائے گا۔
پنجاب میں 6 آرٹیکل منصوبوں کے ذریعے گرین ہاؤس گیسوں کے اخراج میں کمی کی حکمت عملی بھی تیارکرلی گئی ہے ۔یواین ای پی اور SPAR6C نے پنجاب کو عالمی کاربن مارکیٹ کا حصہ بنانے کے لیے تکنیکی و مالی معاونت کا اعلان کیا۔ لاہورویسٹ مینجمنٹ کمپنی کے مابین لکھوڈیرھ لینڈ فل کو کارامد کاربن کریڈٹ میں بدلنے پراتفاق ہوا اورفزیلبلٹی رپورٹ بن چکی،اپریشنل ورکنگ کاربن کریڈث رجیم سمیت مانیٹرنگ پر کام کیاجا ئے گا۔
سینئر صوبائی وزیر نے کہاکہ یہ پہلا بڑاماڈل پائلٹ پراجیکٹ ہے،پی ایم یو کی الاونمنث،افرادی قوت،مسلسل ٹریننگ پروگرام شامل ہے۔یواین ای پی(UNEP)اور SPAR6C نے پنجاب حکومت کے ساتھ کاربن کریڈٹ منصوبوں میں تعاون کا اعلان کیاہے اور پنجاب میں آرٹیکل 6 کے تحت کاربن مارکیٹ کے فروغ کے لیے عالمی اداروں کی معاونت حاصل کی جائیگیـ پیرس معاہدے کے تحت پنجاب میں کم کاربن ترقی کے لیے UNEP اور SPAR6C پنجاب حکومت کے ساتھ متحرک ہیں اور پنجاب حکومت اور بین الاقوامی اداروں میں گرین انویسٹمنٹ اور پائیدار ترقی پربھی اتفاق ہوا ۔
پنجاب میں کاربن کریڈٹ ٹریڈنگ کے لیے مضبوط فریم ورک تیار کرنے پر بھی اتفاق ہوا ۔انہو ںنے کہاکہ کاربن مارکیٹ میں شفافیت اور پائیداری یقینی بنانے کے لیے پنجاب حکومت کو ماحولیاتی ماہرین کی معاونت حاصل ہے اور پنجاب میں آرٹیکل 6 کے تحت منصوبوں پر عملدرآمد کے لیے عالمی ادارے حکومت کے ساتھ شانہ بشانہ کام کریں گے۔پنجاب میں آرٹیکل 6 منصوبے ماحولیاتی تحفظ کے ساتھ معیشت کو بھی مضبوط بنائیں گے۔
کاربن کریڈٹ منصوبے پنجاب میں گرین انویسٹمنٹ کو فروغ دیں گے۔یواین ای پی اور SPAR6C نے پنجاب میں ماحول دوست توانائی منصوبوں کے لیے مالی و تکنیکی مدد پر زور دیا۔پنجاب حکومت اور عالمی اداروں کا کاربن مارکیٹ کو ترقی دینے کے لیے علم و مہارت کے تبادلے پر بھی اتفاق ہوا۔
پنجاب میں آرٹیکل 6 کے تحت پائیدار ترقی کے لیے مختلف شراکت داروں کے ساتھ تعاون کی راہیں کھلیں گی ۔پنجاب میں کاربن کریڈٹ سسٹم سے مقامی معیشت اور کمیونٹیز کو بھی فائدہ پہنچے گا۔ یواین ای پی، SPAR6C اور پنجاب حکومت نے موسمیاتی تبدیلیوں کے خلاف مشترکہ جدوجہد کے عزم کا اظہار کیاہے ۔سینئرصوبائی وزیر مریم اورنگزیب نے وفد کیآمد اورتعاون کے اعلان پر شکریہ ادا کیا۔
