لاہور(رپورٹنگ آن لائن)پنجاب بھر کے سرکاری سکولوں میں پڑھانے والے اساتذہ کے تبادلوں کی تفصیلات جاری کر دی گئیں ،21 ہزار درخواستوں میں سے صرف 10 ہزار 200 درخواستوں کو منظور کیا گیا، جن کے تقرر و تبادلوں کے احکامات آج جاری کر دئیے جائیں گے۔
ترجمان محکمہ تعلیم کے مطابق تبادلوں کیلئے جمع کروائی گئی ساٹھ فیصد سے زائد قوائد و ضوابط پر پورا نہ اترنے والی درخواستوں کو مسترد کردیا گیا۔ترجمان کے مطابق 21 ہزار سے زائد درخواستیں آن لائن جمع کروائی گئی تھیں۔10 ہزار دو سو درخواستوں کو منظور کیا گیا جبکہ تینتیس سو سے زائد درخواستوں کو مسترد کردیا گیا۔محکمہ سکول ایجوکیشن کے مطابق 9 ہزار سے زائد درخواستیں میرٹ پر نہ ہونے پر مسترد کی گئیں۔
ترجمان کے مطابق اساتذہ کو تبادلوں کے احکامات بھی جاری کردیے گئے ہیں۔اساتذہ کو 17 جولائی تک نئی پوسٹنگ پر جوائنگ دینے کی ہدایت کی گئی ہے۔ واضح رہے کہ سکول ایجوکیشن کوتبادلوں کے لئیآن لائن موصول ہونے والی درخواستوں کے لئیاساتذہ کا آئی ڈی کارڈ نمبر،نکاح نامہ، ڈومیسائل ،معذوری،آسامی،اپوائٹمنٹ لیٹر،پیسلپ،ترقی کے آرڈر اورجوائنگ لیٹر کی تصدیق کی گئی،تصدیق اساتذہ کواتھارٹی آفس میں بلوا کر کر کی گئی،دستاویزات کی تصدیق دیئے گئے ٹائم فریم کے مطابق کی گئی۔
