پشاور یونیورسٹی کے طلبا کے لیے موبائل لائبریری کا آغاز

پشاور(ر پورٹنگ آن لائن ) خیبر پختونخوا حکومت نے اپنی نوعیت کی موبائل لائبریری کا منصوبہ شروع کیا ہے جس کے تحت طلبا کو 30 فیصد رعایت پر سستی کتابیں بھی مہیا ہوں گی۔ محکمہ سیاحت خیبر پختونخوا کی جانب سے نوجوانوں کو کتابوں کی فراہمی کے لیے موبائل لائبریری کی سروس شروع کردی گئی ہے وزیراعلی خیبرپختونخوا محمود خان نے پہلی موبائل لائبریری کا افتتاح کیا۔ محکمہ سیاحت کے مطابق پہلے مرحلے میں 2 گاڑیوں میں لائبریری قائم کی گئی ہے، دونوں گاڑیاں طلبا کے لئے پشاور یونیورسٹی کی حدود میں کھڑی ہوگی، طلبا 30 فیصد رعایت کے ساتھ کتابیں خریدنے کا موقع ملے گا، منصوبہ نظامت امور نوجوانان، خیبرپختونخوا کے زیر انتظام 12ملین روپے سے مکمل ہوا ہے۔ منصوبے کی کامیاب تکمیل کے بعد اس کا دائرہ کار دیگر کالجز اور یونیورسٹیوں تک کیا جائے گا۔