پشاور (رپورٹنگ آن لائن)وزیرِ اطلاعات خیبر پختون خوا شفیع جان نے کہا ہے کہ نام نہاد وفاقی تجربے کار معاشی ٹیم زمینی حقائق سے لاعلم ہے۔پشاور سے جاری کیے گئے بیان میں انہوں نے کہا ہے کہ وفاقی حکومت کی ناکام معاشی پالیسیوں نے ملک کو معاشی عدم استحکام سے دو چار کر دیا۔
شفیع جان نے کہا کہ وفاقی حکومت بیرونی قرضوں کے سہارے معیشت چلانے کی ناکام کوشش کر رہی ہے۔وزیرِ اطلاعات خیبر پختون خوا نے کہا کہ وفاقی حکومت کے پاس سرمایہ کاری بڑھانے کے لیے کوئی حکمتِ عملی موجود نہیں۔
