اسلام آباد (رپورٹنگ آن لائن)پاکستان تحریک انصاف کے رہنما فواد چوہدری نے کہا ہے کہ مریم اورنگزیب اور رانا ثناء اللّٰہ نے آرٹیکل 68 کی خلاف ورزی کی، دونوں نے زیر التواء مقدمے پر اثرانداز ہونے کی کوشش کی ہے۔فواد چوہدری نے اپنے بیان میں کہا کہ مریم اورنگزیب اور رانا ثنائ اللّٰہ کو سپریم کورٹ توہین عدالت میں طلب کرسکتی ہے۔
پی ٹی آئی رہنما نے کہا کہ مریم اورنگزیب اور رانا ثنائ کو قانونی طور پر بھی نااہل قرار دیا جائے۔واضح رہے کہ چیئرمین پی ٹی آئی عمران خان نے وفاقی وزیر داخلہ رانا ثناء کے بیان کیخلاف اسلام آباد ہائیکورٹ میں درخواست دائر کررکھی ہے۔عمران خان نے رانا ثناء کے بیان سے متعلق کہا کہ خواہش تو یہی ہے ہم دونوں رہیں لیکن اگر وہ کہہ رہے ہیں ایک ہی رہے گا تو میں یہی کہوں گا وہ نہیں رہیں گے۔
