اسلا م آباد(رپورٹنگ آن لائن)غزہ امن معاہدہ پر وفاقی وزراء کی طرف سے وزیراعظم شہبازشریف اور فیلڈ مارشل کو خراج تحسین پیش کیاگیا ۔ وفاقی وزیر مواصلات عبدالعلیم خان نے کہاکہ غزہ میں امن کیلئے پاکستان نے کلیدی کردار ادا کیا۔
اپنی اور پارٹی کی طرف سے وزیراعظم شہبازشریف اور فیلڈمارشل عاصم منیر کو مبارکباد دیتا ہوں،صدر ٹرمپ اور دیگر ممالک کی کاوشیں بھی قابل تعریف ہیں۔ وفاقی وزیر مصدق ملک نے کہا کہ وزیراعظم نے شرم الشیخ میں یہ مقدمہ پیش کیا کہ پاکستان امن چاہتا ہے۔ وزیراعظم کے شکرگزار ہیں کہ انہوں نے اس آواز کو بلند کیا۔
وزیرمملکت طلال چوہدری نے کہاکہ پاکستان کی سفارتکاری اس وقت عروج پر ہے، غزہ میں جو امن ہوا اس میں وزیراعظم پاکستان کو نمایاں ہاتھ ہے۔ وزیر تعلیم خالد مقبول صدیقی نے کہاکہ یہ سال پاکستان کیلئے بہت نیک ثابت ہوا،پاکستان اس وقت عالم اسلام کی قیادت کر رہا ہے۔
