اسلام آباد(رپورٹنگ آن لائن)صدرِ مملکت آصف علی زرداری نے خیبر پختونخوا میں بھارتی پشت پناہی میں سرگرم فتنہ الخوارج کے خلاف جاری کامیاب آپریشنز پر سکیورٹی فورسز کو خراجِ تحسین کیا ہے۔
جمعرات کو ایوانِ صدر کے پریس وِنگ کے مطابق صدر مملکت نے کہا کہ پاک فوج اور قانون نافذ کرنے والے ادارے وطنِ عزیز کا دفاع پوری ثابت قدمی سے کررہے ہیں۔
انہوں نے خیبر پختونخوا میں آج 23 خوارج کے خاتمے اور گزشتہ روز 4 دہشت گردوں کی ہلاکت پر فورسز کی مؤثر حکمت عملی کو سراہا۔صدر مملکت نے بھارتی سرپرستی میں سرگرم دہشت گرد نیٹ ورک کو توڑنے پر سکیورٹی فورسز کے عزم اور پیشہ ورانہ مہارت کی تعریف کرتے ہوئے کہا کہ پاکستان کی سرزمین سے بیرونی پشت پناہی میں سرگرم دہشت گردی کا مکمل خاتمہ قومی اتفاقِ رائے سے کیا جا رہا ہے۔
صدر آصف علی زرداری نے کہا کہ قوم شہدا اور غازیوں کی قربانیوں کو ہمیشہ یاد رکھے گی۔
