لاہور(فواد چوہدری )سابق وفاقی وزیر فواد چوہدری کی جانب سے خواتین سے متعلق ایک اور متنازعہ بیان سامنے آنے پر سوشل میڈیا پر ہنگامہ برپا ہو گیا ہے۔ اس سے قبل جون کے مہینے میں انہوں نے خواتین کے پولیس فورس میں شامل ہونے کی مخالفت کی تھی جس پر انہیں شدید تنقید کا سامنا کرنا پڑا تھا، اور اب 3 ماہ بعد انہوں نے خواتین کے سکوٹر چلانے پر اعتراض اٹھا دیا ہے۔
ایک خبر کو ری ٹویٹ کرتے ہوئے جس میں پنجاب میں خواتین کی بڑھتی ہوئی سکوٹر ڈرائیونگ اور ان کی آزادیِ نقل و حرکت کو فروغ دینے کے لیے مختلف شہروں میں نکالی جانے والی سکوٹر ریلیوں کا ذکر تھا پر فواد چوہدری نے دعویٰکیا کہ اکثر لڑکیاں نہایت بری ڈرائیور ہوتی ہیں۔ان کا کہنا تھا کہ خواتین کو ڈرائیونگ کی ترغیب دینا ان کی اور دوسروں کی جانوں کو خطرے میں ڈالنے کے مترادف ہے۔فواد چوہدری کے اس واضح خواتین مخالف رویے پر ایکس کے صارفین نے شدید حیرت اور ناگواری کا اظہار کیا۔سوشل میڈیا صارفین نے سابق وزیر سے سوال کیا کہ کیا ان کے پاس اپنے اس دعوے کو ثابت کرنے کے لیے کوئی مستند اعداد و شمار موجود ہیں یا وہ محض ٹاک ٹاک پر گردش کرنے والی افواہوں پر اترا رہے ہیں۔
بعض صارفین نے پاکستان میں بائیک چلانے والے مردوں کی مثال دیتے ہوئے پوچھا کہ کیا وہ بہتر ڈرائیور ہیں، جو عام طور پر موڑ کا اشارہ دینا بھی ضروری نہیں سمجھتے؟۔متعدد صارفین نے پاکستان جیسے ماحول میں خواتین کی خود مختاری اور مستقل بنیادوں پر نقل و حرکت کی اہمیت کو اجاگر کیا۔ بعض کا کہنا تھا کہ اگر فواد چوہدری کو واقعی لگتا ہے کہ خواتین اچھی ڈرائیور نہیں ہیں، تو انہیں خواتین کو سڑکوں سے دور کرنے کی ہدایت دینے کے بجائے ان کی بہتر ڈرائیونگ ٹریننگ کی حمایت کرنی چاہیے تھی۔
