نیوز رپورٹر۔۔
امریکن لائیسٹف سکول (زیڈ زیڈ آر) دی ایجو کیٹر سکول سر سید کیمپس پتوکی ایک ہی طالبہ کو اپنی سٹوڈنٹ قرار دینے لگے۔
اوردی ایجو کیٹر سکول سر سید کیمپس پتوکی کی طالبہ عبیرہ شجاع ولد سید شجاع علی حیدر نے رول نمبر 109596کے تحت میٹرک کا امتحان دیا اور اے پلس گریڈ میں 1079نمبر حاصل کرکے علاقے بھر میں نمایاں پوزیشن لی۔
تاہم صورتحال اس وقت عجیب رخ اختیار کرگئی جب امریکن لائیسٹف سکول (زیڈ زیڈ آر) کی انتظامیہ نے مذکورہ طالبہ کو اپنے سکول سے منسوب کر کے نئے تعلیمی سال کے داخلوں کے لئے پبلسٹی بھی شروع کردی۔
جس پر عبیرہ شجاع اس کے والدین اور اس کا سکول دی ایجوکیٹرز سکول سر سید کیمپس پتوکی احتجاج کناں ہے۔اور امریکن لائسیٹف کے اس عمل کو جعلسازی اور سستی شہرت کے ساتھ تعبیر کرتے ہوئے، سادہ لوح شہریوں اور ان کے بچوں کو متوجہ کرنے کا ڈھونگ قرار دے رہے ہیں۔
یہ بھی معلوم ہوا ہے کہ امریکن لائسیٹف سکول کی انتظامیہ نے پبلسٹی مواد میں طالبہ کا نام عبیرہ شجاع کی بجائے اریبہ شجاع بیان کیا ہے البتہ رول نمبر اور طالبہ کے حاصل کردہ نمبر وہی بیان کئے ہیں۔جو عبیرہ شجاع کے ہیں۔
یوں ایک ہی رول نمبر اور ایک جیسے حاصل کردہ نمبروں پر ملتے جلتے ناموں کی حامل طالبات کو معمہ بنانے کی کوشش کی جارہی ہے۔
تاہم طالبہ کے ایڈیشن فارم اور بورڈ آف انٹرمیڈیٹ کے گزٹ میں رول نمبر 109596کے تحت امتحان دینے والی طالبہ کا نام اریبہ شجاع کی بجائے عبیرہ شجاع ولد سید شجاع علی حیدر بیان کیا گیا ہے۔جس نے1079 نمبر حاصل کیئے۔
