سید یوسف رضا گیلانی 46

یوسف رضا گیلانی کا فیصل آباد کی کیمیکل فیکٹری میں دھماکے پر گہرے دکھ اور افسوس کا اظہار

اسلام آباد (رپورٹنگ آن لائن)قائم مقام صدرِ سید یوسف رضا گیلانی نے فیصل آباد میں کیمیکل فیکٹری میں دھماکے میں قیمتی جانوں کے ضیاع پر گہرے دکھ اور افسوس کا اظہار کیا ہے۔

جمعہ کو ایوان صدر کے پریس ونگ کے مطابق قائم مقام صدرِ نے کہا کہ یہ المناک حادثہ نہایت دل خراش ہے اور پوری قوم غمزدہ خاندانوں کے دکھ میں برابر کی شریک ہے۔ سید یوسف رضا گیلانی نے اس افسوسناک سانحہ میں جاں بحق ہونے والے افراد کے اہلِ خانہ سے دلی ہمدردی اور تعزیت کا اظہار کرتے ہوئے کہا کہ میں سوگوار خاندانوں کے غم میں شریک ہوں۔

قائم مقام صدر نے دعا کی کہ اللہ تعالیٰ مرحومین کو اپنی رحمت کے سائے میں جگہ دے اور لواحقین کو صبر و حوصلہ عطا فرمائے۔ قائم مقام صدر نے زخمیوں کی جلد صحت یابی کے لیے نیک تمناؤں کا اظہار کیا اور متعلقہ اداروں کو ہدایت کی کہ زخمیوں کو ہر ممکن طبی سہولیات فراہم کی جائیں۔

اس خبر پر اپنی رائے کا اظہار کریں