اسلام آباد (رپورٹنگ آن لائن)چیئرمین سینیٹ سید یوسف رضا گیلانی نے سابق رکنِ قومی اسمبلی مظہر علی خان کے انتقال پر گہرے دکھ کا اظہار کرتے ہوئے کہا ہے کہ مرحوم ایک باوقار، اصول پسند اور عوام دوست پارلیمنٹرین تھے۔
سینیٹ سیکرٹریٹ کی طرف سے جاری بیان کے مطابق انہوں نے ہمیشہ جمہوری اقدار کے فروغ اور عوامی خدمت کو اپنا مشن بنایا اور ہر فورم پر مؤثر کردار ادا کیا۔چیئرمین سینیٹ نے کہا کہ مظہر علی خان کی سیاسی و سماجی خدمات کو ہمیشہ قدر کی نگاہ سے دیکھا جائے گا، ان کے انتقال سے ملک ایک مخلص، محبِ وطن اور عوام دوست سیاسی رہنما سے محروم ہو گیا ہے۔
سید یوسف رضا گیلانی نے مرحوم کے اہلِ خانہ سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل عطا کرے۔
