لاہور (رپورٹنگ آن لائن) پاکستان تحریک انصاف کے رہنما سلمان اکرم راجہ نے کہا ہے کہ ہم چاہتے ہیں ملک کو فلاح کی راہ پر چلائیں،سیاسی عمل میں رکاوٹ نہیں آنی چاہیے۔لاہور کی انسداد دہشت گردی کی عدالت کے باہر میڈیا سے گفتگو کرتے ہوئے انہوں نے کہا کہ تمام گفتگو ہورہی ہے تمام زاویوں کو دیکھا جائے گا۔
ہم چاہتے ہیں ملک کو فلاح کی راہ پر چلائیں، ملک میں امن ہو۔ اس کے لیے جو بھی عمل ہوگا وہ ہم کریں گے۔ سلمان اکرم راجہ نے کہا کہ سیاسی عمل جاری رہتا ہے اس میں رکاوٹ نہیں آنی چاہیے۔
