اسلام آباد (رپورٹنگ آن لائن) پاک ایران گیس پائپ لائن سے متعلق ایران نے پاکستان کے خلاف ثالثی عدالت سے رجوع کرلیا ۔ حکومتی ذرائع کے حوالے سے میڈیارپورٹ کے مطابق ایران کے پاکستان کے خلاف ثالثی عدالت سے رجوع کرنے کے معاملے پر پاکستان اور ایران سفارتی سطح پر رابطے میں ہیں اور حکومت اس معاملے کا بات چیت کے ذریعے حل نکالنے پر غوررہی ہے ۔
حکومتی ذرائع نے بتایا کہ ثالثی میں پاکستان کا کیس مضبوط ہے، تاہم نوٹس کے مندرجات کو معاہدے کی پابندی کی وجہ سے خفیہ رکھا گیا ہے حکومتی ذرائع کے مطابق بعض میڈیا رپوٹرس میں جرمانے کی رقم پر قیاس آرائیاں کرکے سنسنی پھیلا ئی جارہی ہے ۔ ایران نے بھی رقم کی کوئی بات نہیں کی ہے۔
حکومتی ذرائع کا کہنا ہے کہ میڈیا پر چلنے والی خبروں کا پاکستان کےخلاف استعمال ہونے کا اندیشہ ہے اس لیے ملک کے وسیع تر مفاد میں گیس پائپ لائن منصوبے سے متعلق قیاس آرائیوں سے گریز کیا جانا چاہیے۔ ذرائع کے مطابق جو بھی معاملات ہیں ان کوسفارتی سطح پر دیکھا جارہا ہے۔
