(رپورٹنگ آن لائن)ایکسائز اینڈ ٹیکسیشن ڈیپارٹمنٹ گوجرانوالہ میں پراپرٹی ٹیکس چوری کی بڑی واردات کا انکشاف سامنے آیا ہے۔
زرائع کے مطابق پراپرٹی ٹیکس زون ٹو میں تعینات ای ٹی او جاوید انجم اور ماتحت انسپکٹر احسان گجر، تنویر شفقت،رانا آصف اور شعیب شفقت نے باہمی ملی بھگت سے مبینہ طور پر حافظ آباد روڈ، گرجاکھ، ماڈل ٹاؤن ،جی ٹی روڈ اور دیگر علاقوں میں پراپرٹی کے سینکڑوں یونٹ تشخیص کے بغیر اور کم تشخیص شدہ چھوڑ رکھے ہیں۔ جس سے خزانے کو ریونیو کی مد میں سالانہ کروڑوں روپے کے نقصان کا سامنا ہے۔
علم میں آیا ہے کہ مزکورہ انسپکٹروں نے مبینہ طور پر اسسیز سے فی یونٹ بھاری رشوت کے عوض ٹیکس چوری کروائی جس کو حتمی شکل ای ٹی او جاوید انجم نے دی۔
یہ بھی علم میں آیا ہے کہ رشوت کی رقم ڈایریکٹر ایکسائز گوجرانوالا ثوبیہ مالک تک بھی پہنچائی جاتی ہے یہی وجہ ہے کہ وہ صورتحال سے بخوبی واقف ہونے کے باوجود کارروائی سے گریزاں ہیں۔
اس سلسلے میں گفتگو کے لیے ای ٹی او پراپرٹی ٹیکس زون ٹو جاوید انجم سے رابط کیا گیا تو انہوں نے الزامات کو بے بنیاد قرار دیا۔
جبکہ ڈائریکٹر ایکسائز گوجرانوالا ثوبیہ مالک نے رشوت لینے کے الزام کو جھوٹ قرار دیتے ہوئے ٹیکس چوری کی اس واردات سے لاعلمی کا اظہار کیا
