اسلام آباد (رپورٹنگ آن لائن)پاکستان تحریکِ انصاف کے رہنما عون عباس بپی نے کہا ہے کہ کوئی پی ٹی آئی رہنما مذاکرات نہیں کر سکتا، یہ اجازت محمود اچکزئی کو ہے۔
عون عباس بپی نے میڈیا سے گفتگو کے دوران کہا کہ بانی پی ٹی آئی نے محمود اچکزئی اور علامہ ناصر عباس کو مذاکرات کا مکمل اختیار دیا ہے۔عون عباس بپی نے کہا کہ آج بانی کی بہنوں کی محمود اچکزئی اور علامہ ناصر عباس سے ملاقات ہوگی،
محمود اچکزئی اور علامہ ناصر عباس کا بہنوں اور قائدین سے ملاقات میں حتمی فیصلہ ہو جائے گا۔انہوں نے کہا کہ اپوزیشن الائنس کے علاوہ کسی کمیٹی یا فرد کو مذاکرات کی اجازت یا اختیار نہیں۔
