اوکاڑہ
( شیر محمد)جس کا عنوان “پاکستان میں بلند ترین شرحِ پیدائش اور پائیدار ترقی کا چیلنج” تھا، اس اہم نشست میں علمائے کرام، سوشل انفلوئنسرز، صحافیوں، لائن ڈیپارٹمنٹس اور این جی اوز کے نمائندگان، اساتذہ اور پیرامیڈکس کی بڑی تعداد نے شرکت کی، نشست کے میزبان ڈسٹرکٹ پاپولیشن ویلفیئر آفیسر چوہدری عاصم ہدایت نے شرکاء سے خطاب کرتے ہوئے خصوصی تجزیاتی رپورٹ پیش کی اور انکشاف کیا کہ بلند شرحِ پیدائش براہِ راست عالمی پائیدار ترقی کے اہداف (SDGs) کے حصول میں رکاوٹ بن رہی ہے، انہوں نے واضح کیا کہ جب تک آبادی و وسائل میں توازن قائم نہیں ہوگا، ہر معاشی پالیسی ناکام رہے گی،
انہوں نے میڈیا، اساتذہ اور مذہبی رہنماؤں سے اپیل کی کہ وہ اسے “قومی بقا” کے مسئلے کے طور پر پیش کریں، قاری سعید احمد عثمانی ڈسٹرکٹ خطیب محکمہ اوقاف نے اپنے خیالات کا اظہار کرتے ہوئے کہا کہ اسلام معیار کا قائل ہے تعداد کا نہیں، ڈاکٹر عشناء رحمان وویمن میڈیکل آفیسر ویل وویمن کلینک ڈی ایچ کیو ہسپتال نے کہا کہ فیملی پلاننگ کے بغیر ماں بچے کی صحت کو برقرار رکھنا مشکل ہے صحت مند خاندان اور خوشحال پاکستان کے لیے فیملی پلاننگ بہت ضروری ہے ،مہمانِ خصوصی، ڈپٹی ڈائریکٹر اطلاعات سید سلمان حسین نے اپنے خطاب میں کہا کہ آبادی میں غیر معمولی اضافے کے باعث ملک کے وسائل پر شدید دباؤ ہے،
جس کا اثر براہ راست صحت اور تعلیم پر پڑ رہا ہے، تقریب میں موجود علمائے کرام، کالم نگاروں اور دیگر اسٹیک ہولڈرز نے اس تشویشناک صورتحال پر محکمہ کے ساتھ مکمل تعاون کی یقین دہانی کروائی اور حکومت پنجاب کا پیغام عوام تک پہنچانے کی عزم کا اظہار کیا۔
