بیجنگ (رپورٹنگ آن لائن) چائنا جنرل ایڈمنسٹریشن آف کسٹمز کی جانب سے 10 مارچ کو جاری کردہ اعداد و شمار کے مطابق، چین کی اشیاء کی درآمدی اور برآمدی مالیت رواں سال کے پہلے دو ماہ میں 7.73 ٹریلین یوآن تک پہنچ گئی، جو کہ سال بہ سال 18.3 فیصد کا اضافہ ہے۔
اس میں برآمدی مالیت 4.62 ٹریلین یوآن تک پہنچ گئی جو کہ سال بہ سال 19.2 فیصد زیادہ ہے جبکہ درآمدی مالیت 17.1 فیصد کی نمو کے ساتھ 3.11 ٹریلین یوآن تک پہنچ گئی ہے۔ تجارتی شراکت داروں کے لحاظ سے دیکھا جائے تو رواں سال کے پہلے دو ماہ میں، آسیان ممالک کے ساتھ چین کی کل تجارت 1.24 ٹریلین یوآن تک پہنچ گئی، جو کہ 20.3 فیصد کا اضافہ ہے۔
یورپی یونین کے ساتھ چین کی تجارت 998.94 بلین یوآن تک پہنچ گئی، جو کہ 19.9 فیصد کا اضافہ ہے۔ امریکہ کے ساتھ چین کی تجارت 609.71 بلین یوآن تک پہنچ گئی، جو کہ 16.9 فیصد کی کمی ہے۔ اسی عرصے کے دوران،چین کی بیلٹ اینڈ روڈ انیشیٹو کے شراکت دار ممالک کے ساتھ درآمدات و برآمدات 4.02 ٹریلین یوآن تک پہنچ گئیں، جو کہ 20 فیصد کا اضافہ ہے۔
