چاول 5

چین کو چاول کی برآمدات 2025 کی تیسری سہ ماہی میں 45.27ملین ڈالر تک پہنچ گئیں

لاہور( رپورٹنگ آن لائن)پاکستان کی چین کو چاول کی برآمدات 2025 کی تیسری سہ ماہی میں 45.27ملین ڈالر تک پہنچ گئیں جو گزشتہ سال کے اسی عرصے کے 27.85ملین ڈالر کے مقابلے میں 63 فیصد زیادہ ہیں۔

رپورٹ کے مطابق اس مدت کے دوران پاکستان نے نیم یا مکمل طور پر چھیلا ہوا چاول 34.30ملین ڈالرمالیت کا 76.36ملین کلو گرام چاول برآمد کیا،2024 کی تیسری سہ ماہی میں اس مد میں برآمدات صرف6ملین ڈالر کے لگ بھگ تھیںجبکہ برآمد شدہ مقدار 7.42ملین کلو گرام تھی۔

اس طرح چاول کی مقدار اور زرمبادلہ دونوں میں نمایاں اضافہ ریکارڈ کیا گیا۔اسی طرح ٹوٹا چاول کی برآمدات میں بھی بہتری آئی جن کی مالیت 8.4ملین ڈالر رہی جبکہ ٹوٹے چاول کی ایک اور قسم کی برآمدات 2025 کے پہلے نو ماہ میں2.29ملین ڈالر تک پہنچ گئیں۔ مجموعی طور پر پاکستان نے اس عرصے میں چین کو مختلف اقسام کے 109494ٹن چاول برآمد کیے۔

اس خبر پر اپنی رائے کا اظہار کریں