لاہور( رپورٹنگ آن لائن)رواں سال کے پہلے 9 ماہ میں پاکستان کی چین کوتل کی برآمدات 68.56 ملین ڈالر سے تجاوز کر گئیںجبکہگزشتہ سال اسی عرصے کے دوران اس کا حجم 36.59 ملین ڈالر تھا جس کے مقابلے میں رواں برس 87 فیصد سے زائد کا نمایاں اضافہ ریکارڈ کیا گیا ہے۔
رپورٹ کے مطابق جنوری سے ستمبر 2025 تک پاکستان نے چین کو 5 کروڑ 56 لاکھ کلوگرام سے زائد تل برآمد کیے، جن کی اوسط قیمت 1.23 ڈالر فی کلو رہی، گزشتہ سال برآمدات کا حجم 2 کروڑ 39 لاکھ 50 ہزار کلوگرام تھا جبکہ اوسط قیمت 1.52 ڈالر فی کلوگرام رہی۔ عالمی سطح پر خوردنی تیل اور روایتی خوراک کی تیاری کے بڑھتے ہوئے رجحان کے باعث چین میں تل کی درآمدات میں مسلسل اضافہ دیکھا گیا ہے۔
اعداد و شمار کے مطابق2025 کے پہلے نو ماہ کے دوران نائیجریا543.02 ملین ڈالر کی برآمدات کے ساتھ چین کا سب سے بڑا تل کا سپلائر رہاجس کے بعد بالترتیب ٹوگو 189.10 ملین ڈالر،ر تنزانیہ 161.68 ملین ڈالر،ایتھوپیا 144.03 ملین ڈالر، موزمبیق 121.18 ملین ڈالراور میانمار 88.56 ملین ڈالرشامل ہیں۔
