ما سکو (رپورٹنگ آن لائن) چائنا میڈیا گروپ کے زیر اہتمام “جدت، کھلا پن اور مشترکہ ترقی” کے عنوان سے عالمی مکالمے کا روس کے دارلحکومت ماسکو میں انعقاد کیا گیا۔سی پی سی سینٹرل کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے تقریب سے ورچوئل خطاب کیا ۔
شین ہائی شیونگ نے خطاب کرتے ہوئے کہا کہ سی پی سی کی 20 ویں مرکزی کمیٹی کا چوتھا کل رکنی اجلاس حال ہی میں بیجنگ میں اختتام پذیر ہوا ، جو نئے عہد میں چین کا ایک اور اہم سنگ میل سمجھا جاتا ہے۔ کل رکنی اجلاس میں ملکی ترقی کے اہم اہداف کے حوالے سے اعلیٰ سطحی ڈیزائن اور حکمت عملی پیش کی گئی۔اجلاس نے ایک بار پھر دنیا کے سامنے واضح کیا کہ چین اعلیٰ سطحی کھلے پن کو وسعت دے گا اور تعاون اور باہمی فائدے کے نئے دور کا آغاز کرے گا۔
قطع نظر اس کے کہ بین الاقوامی حالات کس طرح بدلتے ہیں، چین ہمیشہ کھلے پن ، اشتراک اور اختراع پر قائم رہے گا اور غیر یقینی صورت حال سے بھری دنیا میں زیادہ اعتماد اور طاقت فراہم کرے گا۔چائنا میڈیا گروپ اپنے شراکت داروں کے ساتھ مل کر عالمی پلیٹ فارم تعمیر کرے گا، “چار گلوبل انیشی ایٹوز” پر عمل کرے گا اور چینی طرز جدیدیت کے وسیع تر امکانات کو دنیا کے ساتھ شیئر کرے گا ۔رشین نیوز ایجنسی اور رشیا ٹوڈے سمیت دیگر مین اسٹریم میڈیا نے اس تقریب کی کوریج کی۔
