پیپلزپارٹی کو انسانوں سے زیادہ کتوں سے ہمدردی ہے، خرم شیر زمان

کراچی(رپورٹنگ آن لائن) لاڑکانہ میں کتے کے کاٹنے کے خوف سے تالاب میں چھلانگ لگا نے والا 12سالہ بچہ جان بحق ہوگیا، واقعے کی ویڈیو اپوزیشن رہنما خرم شیر زمان نے شیئر کردی۔

اس حوالے سے پی ٹی آئی کے رکن صوبائی اسمبلی سندھ خرم شیر زمان نے واقعے کی شدید الفاظ میں مذمت کی ہے اور سندھ حکومت پر کڑی تنقید کرتے ہوئے سخت بیان جاری کیا۔ انہوں نے12سالہ بچے کی ویڈیو سماجی رابطے کی ویب سائٹ ٹوئٹر پر شیئرکردی، انہوں نے لکھا کہ سندھ میں آوارہ کتوں کے خاتمے کیلئے کوئی اقدامات نہیں کیے گئے۔

خرم شیر زمان کا کہنا تھا کہ بلاول کے گاں کے بچے نے کتے کے کاٹنے کے خوف سے تالاب میں چھلانگ لگائی لیکن پیپلزپارٹی کو انسانوں سے زیادہ کتوں سے ہمدردی ہے۔ پی ٹی آئی کے رکن صوبائی اسمبلی نے مزید کہا کہ صوبے میں اپنی ناکام پالیسیوں کے باعث نالائقی کی داستان رقم کرنے والی پیپلز پارٹی کا نام گنیز بک آف ورلڈ ریکارڈ میں ہونا چاہیے۔