اسلام آباد (رپورٹنگ آن لائن) بانی پی ٹی آئی کی ہدایت پر تحریک انصاف کی 10 رکنی جلسہ کمیٹی تشکیل دے دی گئی ہے ۔کمیٹی میں ترجمان پی ٹی آئی رف حسن، نعیم حیدر پنجوتھہ، بیرسٹر سیف اور شاہد خٹک شامل ہیں، اس کے علاوہ زین قریشی، مہر بانو قریشی، شوکت بسرا، حلیم عادل شیخ، شیخ وقاص اکرم اور کنول شوزب کو بھی کمیٹی کا حصہ بنایا گیا ہے، 10 رکنی جلسہ کمیٹی پی ٹی آئی کے ملک بھر میں جلسوں سے متعلق شیڈول، میڈیا پیغامات، ٹاک شوز، آگاہی مہم اور جلسے میں آنے والی رکاوٹوں سے متعلق آگاہ کرے گی۔
قبل ازیں پاکستان تحریک انصاف میں اندرونی اختلافات کے خاتمے کیلئے بھی کمیٹی تشکیل دی گئی ہے، ذرائع کا کہنا ہے کہ پی ٹی آئی کے اندرونی اختلافات کے خاتمے کیلئے تشکیل شدہ کمیٹی کے سربراہ سابق صدر ڈاکٹر عارف علوی ہوں گے،
عارف علوی ایک ہفتے میں اندرونی اختلافات کے خاتمے کیلئے تجاویز دیں گے، اس سلسلے میں عارف علوی اختلافات رکھنے والے رہنماﺅں سے ملاقاتیں کرکے ان کے تحفظات سنیں گے، جس کے بعد عارف علوی کی سربراہی میں تشکیل دی گئی کمیٹی ایک ہفتے میں پی ٹی آئی کے اندرونی اختلافات کے خاتمے کے لیے اپنی تجاویز دے گی۔
