لاہور(رپورٹنگ آن لائن ) کورونا وائرس کی روک تھام کے لیے پنجاب کے چار شہروں کے مختلف علاقوں میں اسمارٹ لاک ڈاون نافذ کردیا گیا۔ سیکرٹری پرائمری اینڈ سیکنڈری ہیلتھ کیئرکیپٹن (ر) محمد عثمان کی جانب سے جاری کیے گئے نوٹیفکیشن کے مطابق راولپنڈی، گجرات ، سیالکوٹ اور گوجرانوالا کے زیادہ کورونا کیسز والے علاقوں میں اسمارٹ لاک ڈاون نافذ کیا گیا ہے۔
نوٹیفکیشن کے مطابق سیالکوٹ میں کلاں لدھڑ اور ٹاون غازی پور، واہ کینٹ میں وارڈ 3، وارڈ 8 اوریوسی سرائے کالا میں اسمارٹ لاک ڈاون نافذ کیا گیا ہے جب کہ گجرات میں محلہ کالوپورہ، چاہ ترنگ اورگاوں مدینہ سیداں میں اسمارٹ لاک ڈان لگایا گیا ہے۔
نوٹیفکیشن میں بتایا گیا ہے کہ گوجرانوالہ میں نندی پور، اروپ ٹاون اور قلعہ دیدار سنگھ میں اسمارٹ لاک ڈاو¿ن نافذ کیا گیا ہے۔ کیپٹن ریٹائرڈ محمد عثمان کے مطابق اسمارٹ لاک ڈاون والے ایریاز میں اشیاء ضروریہ میسر رہیں گی اور لاک ڈاو¿ن کا مقصدزیادہ کیسز والے علاقوں سے آمدورفت کو محدودکرنا ہے۔
