شہباز اکمل جندران۔۔۔
پنجاب ٹیکسٹ بک بورڈ نے وفاق کی تائید میں صوبے میں یکساں نصاب تعلیم کا نوٹیفکیشن جاری کردیا ہے۔
نوٹیفکیشن منیجنگ ڈائریکٹر پی سی ٹی بی فاروق منظور نے جاری کیا۔نوٹیفکیشن کے تحت 2021 اور 2022 کے تعلیمی سیشن کے لئے پہلی سے پانچویں جماعت کا نصاب وفاق کی طرف سے منظور کردہ سنگل نیشنل کریکلولا ہوگا۔
وفاق وزارت تعلیم و پروفیشنل ٹریننگ چاروں صوبوں اور وفاق میں یکساں نصاب تعلیم کے لئے کوشاں تھا۔ جس کے لئے پنجاب کابینہ نے 17 دسمبر 2020 کو اپنے 39ویں اجلاس میں منظوری بھی دی تھی۔
پی سی ٹی بی کی منظوری کے بعد پنجاب یکساں نصاب تعلیم کو ایڈاپٹ کرنے والا صوبہ بن گیا ہے۔جبکہ دیگر صوبے بھی یکساں نصاب کو اختیار کرنے کے لئے پراسیس میں ہیں البتہ سندھ کا موقف مختلف ہے۔
اور سندھ چاہتا ہے کہ آئین کی 18 ویں ترمیم میں ترمیم کے بغیر ملک بھر میں ایک جیسا نصاب نافذ نہ کیا جائے اور ایسا کرنا آئین کی خلاف ورزی ہوگا۔
